小三五索︱吳家樂指五索行錯關鍵一步　鄧兆尊自稱與馬氏家人相熟大爆料

【五索 / 鍾睿心 / 馬清鏗 / 吳家樂 / 鄧兆尊】現年34歲的KOL「五索」鍾睿心（Rachel）被傳媒揭發做66歲大生銀行主席及大生地產副主席馬清鏗小三，而且時間達9年，成為網絡熱話。

吳家樂與「現代韋小寶」鄧兆尊在YouTube頻道《娛樂好好玩》在昨日談及此事。吳家樂指五索繼續做小三肯肯定已可豐衣足食，估計她突然爆料應不甘只做小三，而是想「有個名份」做二房，但「傾唔掂數」於是一拍兩散，不過吳家樂指成件行動最錯一件事，就五索找林作做軍師。

至於鄧兆尊鄧兆尊估有人因生活費大減，因此想釜底抽薪，但他也同樣指她卻找錯林作幫忙，結果「收唔到科」，又推斷五索想另泊「碼頭」。

富貴情婦｜百億富商馬清鏗情婦「五索」5年抱4　狂曬Hermès獨立屋巨廳仔女當遊樂場

▼點擊圖片放大

+3

+2

小三五索︱鄧兆尊認識馬家人

為五孩之母的五索，她第一胎是為前夫所生，至於其他孩子，鄧兆尊表示：「第一樣嘢，四個小朋友係咪同一個老竇呢？冇講過！其次就係話一個男人同你9年，呢個關係會唔會Keep得好長呢？」

鄧兆尊用「車」作比喻問：「一個女人可以剖腹生幾多次呀？正常嚟講係兩次，第三次留返畀自己身體有事（開刀），佢生咗五個， 至少兩次順產，18歲開始蒲富豪飯局，咁呢個女仔副body個耐用度有幾好呢？（吳家樂：比同年紀未生過應該好勞損。）一架車炒咗五次，同一架未炒過，你揸上手，震晒。」

另外，鄧兆尊自稱自己與認識馬家人，稱：「馬生嗰啲兄弟嗰啲仔女，我有一個識嘅，我走去問佢呢個問題，佢只係答我一句『哈哈』，即係姪仔聽到就哈哈大笑咁樣答我。」他指對方沒提此件事，但認為大笑即暗示整個家族都知此事。

▼點擊圖片放大

+10

+9

小三五索︱勸五索不要高估自己

至於五索曾指對方元配不知她存在，鄧兆尊即叫五索不要高估自己。而吳家樂認為五索自自己有4個小朋友，於是貪心「想分嘢」。

而鄧兆尊再爆另一單料：「以前有個女星，佢交過4至6個有錢佬，冇啦啦就有咗，佢就問我點？我應該同邊個攤牌？我話呢啲冇得攤牌，你驗DNA，你同時期吖嘛，你唔好諗住漁翁撒網，卒之佢成功咗，6個一齊收錢，6個都唔認頭，直頭唔驗，一人一百萬，Bye Bye!唔要小朋友，你自己養。」

富貴情婦｜百億富商馬清鏗情婦「五索」5年抱4　狂曬Hermès獨立屋巨廳仔女當遊樂場

最新影片推介：

🎓全新TOPSchool全港中小學校搜尋器，入HKET App即睇！

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】